المقال بيتكون من 3 اجزاء رئيسيه وهما :
- العنوان Headline .
- المقدمه Introduction .
- جسم المقال Body .
العنوان Headline
في طريقه او (Technique) في كتابه المقال اسمها 4 us والطريقه دي لو اتبعتها في كتابه مقالاتك هتقدر من خلالها تكتب عناوين لمقالاتك بطريقه احترافيه . وهي بتتكون من 4 عناصر اساسيه وهما :
مفيد (Useful) ودي معناها ان محتوي المقال لازم يكون مفيد للقارئ و يضيف له معلومه جديده .
طارئ او عاجل (urgency) ودي معناها ان الموضوع يكون حصري او ان انت تتكلم عن موضوع كل الناس بتتكلم عنه و متصدر المشهد وبقي حديث الساعه .
فريد من نوعه (unique) و دي معناها ان انت تكتب عنوان موضوع محدش غيرك كتبه قبل كدا عشان كدا هو عنوان فريد من نوعه .
محدد (ultra specific) ودي معناها ان العنوان بتاعك يبقي مخصص مش عام .
امثله علي العناوين (Headlines)
- ان يحتوي المقال علي ارقام و يستحسن ان تكون الارقام فرديه .
- يكون فيه قائمه (list) زي اسرع 10 سيارات في العالم .
- يبقي فيه سؤال زي كيف وازاي تعمل حاجه معينه .
- يكون فيه سر مثلا ( ده لو في اسرار اصلا ) .
- ممكن يكون في صوره سؤال .
- ممكن يكون فيه نوع من السخريه او الغرابه .
- عنوان المقال هو اكتر عامل ممكن يخليني اكمل قراءه اي مقال .
المقدمه Introduction
تاني اهم حاجه هتخلي اي حد يكمل قراءه المقال وبتكون المقدمه هي اول برجراف في المقال .امثله علي موضوعات ممكن تستخدمها في المقدمه (introduction ) .
- انك تكلم الناس علي حقيقه مفيش ناس كتير تعرفها .
- انك تحكي قصه ليها علاقه باللي انت هتتكلم فيه و في وسط الكلام هتربط كلامك بالقصه .
- انك تتكلم عن خبر مكسر الدنيا و كل الناس بتتكلم عنه .
- ممكن تعرض وجهتين نظر عكس بعض تماما واشرح وجهتين النظر و انتقد واحده منهم .
- ممكن توعد الناس بمعلومات معينه مش هيقدروا يلاقوها في اي مكان تاني غير في مقالاتك . ودي من احسن الموضوعات اللي ممكن تستخدمها بس لو انت فعلا قدرت توصل المعلومه بشكل صحيح .
- اول جمله في المقدمه هي اهم حاجه في المقدمه اللي هي اهم تاني حاجه في المقال بتاعك . وهي اللي هتخلي الناس تكمل قراءه المقال .
- ممكن مثلا تكتب عنوان غامض او مش مفهوم و تكون المقدمه بتشرح الحاجه دي بس لو الحاجه دي معجبتش اللي بيقرء هيبقي المقال انتهي بالنسباله ومس هيكمل قراءه المقال .
جسم المقال Body
الجزء ده من المقال مهم جدا لان هو الجزء اللي فيه معظم الافاكار والموضوعات الخاصه بالموضوع . وهو المتحكم في حجم المقال بشكل كبير . في نوعين من المقالات وهما : Soft Articles و Heavy Articles . و طبعا الاتنين شارحين نفسهم من الاسم بتاعهم .
ملاحظات عند كتابه جسم المقال Body .
ولازم تعرف ان الناس بتحب تقرء الكلام متقسم لبرجرافات صغيره و ده بيبقي اسهل نفسيا وفعليا علي القارئ . ممكن مثلا تخلي البرجراف من 4 : 6 سطور اكتر من كدا المقال بتاعك مش هيبقي مريح للعين . خلي لكل برجراف او اتنين عنوان ثانوي لان ده هيريح اللي بيقرء وهيحسسه بقيمه المحتوي بتاعك اللي بتقدمه , وهيحسسه بالقيمه اللي اتعلمها من المحتوي بتاعك , و متخليش الجمله الواحده تزيد عن 20 كلمه . حاول تضيف للبرجراف Bonus Tips يعني سيب معلومه او فكره تقولها للقارئ في اخر المقال .
تعليقات
إرسال تعليق
اكتب تعليقك اذا كان لديك اي استفسار عن الموضوع وسنجيبك فور مشاهده تعليقك .